UX/UI Dizayn

UX/UI Dizayn

UX (User Experience) istifadəçi təcrübəsi, UI (User Interface) – istifadəçi interfeysi deməkdir. Hər iki anlayış, oxşar və fərqli xüsusiyyətlərə sahib olmaqla yanaşı, dizayn sahəsinə töhfə verməklə əlaqəli rola sahibdirlər. UX Dizaynı, istifadəçi təcrübəsi(UX) A-dan Z-ə qədər dizaynda istifadəçilərin məhsul və ya xidmətlə bütün qarşılıqlı əlaqəsini əhatə edir. Yəni, söhbət istifadəçinin qarşılıqlı əlaqə prosesində keçirdiyi bütün yaxşı, pis və ya maraqlı təcrübələrindən gedir. Geniş əhatə dairəsinə malik olan UX, istifadəçilərlə bağlı bəzi testlərdən aldığı məlumatlarla formalaşdırıla bilər. Dizayna daxil ediləcək detalların harada, nə vaxt və necə baş verəcəyi ilə bağlı istifadəçinin qarşılıqlı əlaqəsini qurur. UX dizaynının məqsədi, istifadəçilər üçün sadə, səmərəli, uyğun və çox istiqamətli xoş bir təcrübə yaratmaqdır.
UI (User Interface) istifadəçi interfeysi deməkdir və internet istifadəçiləri üçün düzgün istiqamətlər verməklə daha uzunmüddətli, keyfiyyətli qarşılıqlı əlaqə yaratmağı hədəfləyən dizaynlardır. Vizual interfeysin vizual və interaktiv xüsusiyyətlərinin inkişafı, istifadəçilər üçün aydın və ümumiyyətlə estetik cəhətdən cəlbedici olmasını təmin edir. UI dizaynı vizual dizaynın, UX dizaynının və qrafik dizaynın müxtəlif elementlərini və bir sıra mülahizələri özündə cəmləşdirən sistemli bir sahədir. UI Dizaynı İstifadəçi interfeysi(UI) dizayndakı interfeyslərlə, yəni xarici dizaynla məşğul olur. Xarici görünüşlə əlaqəli bütün dizaynlar UI dizaynı ilə bağlıdır. Bu nöqtədə onu UX ilə qarışdırmaq mümkündür, lakin incə bir fərq var.
UX istifadəçi təcrübəsinə əsaslanan dizaynla istifadəçi qarşılıqlı əlaqəsi ilə məşğul olur. UI istifadəçi qarşılıqlı əlaqəsindən daha çox dizayn cəlbediciliyi ilə maraqlanır. Başqa sözlə, UX bizim qavrayışlarımızla, UI isə gözlərimizlə bağlıdır. Yəni, UX ilə təsəvvür edir, UI vasitəsilə isə görürük.